5
eenige dagen aen den voorsz. Bevelhebber, met zijnen Sone, om eenighe particuliere affairen, den welcken is ghecomen onder weghen Mentz met den Postillon vanden Pfaltz, ende andere Compagnie tot seuen int ghetal, comende inder Nacke tot Mentz, ende so op den Rhijn, comende te Bacherocen daer Pfalts volck leyt in dry oft vier sterckten, waer datse onder weghen tot vier reysen toe van des Pfaltz volc werden aenveert ende scherpelijck ondervraecht, ende lietense doen passeren sonder yet te misdoen.
Op ons Lieven Vrouwen dach comende 4. mijlen van Mens tot Radissen smorghens ten thien uren, soo wy besich waren met den ombijt, soo stirf den Postillon van den Pfalts Graue die naer Colen quam wordende met een gheraecktheyt gheslagen, comende van Franckfort, ende was doot by Bon tot Seulbighen, waer dat een ander in zijn plaetse reysde.
Men rekent dat onsen Legher van Ceulen leydt 55. mijlen.
Sijn Exc. Marquis Spinola die laet ouer de 8. honderdt Riemen maecken om op de Schepen te roeyen, hy heeft een Brugghe ouer den Rhijn, ende oock een ouer de Mayne, om alsoo over die beyde Rivieren te commanderen, ende die twee Tollen, Bacherach ende Laub de Pfaltz, met S. Guwer samen te brenghen, waer mede hy die passagie tot op
