6
Ceulen vry mochte hebben. Die Schansse op den hoeck van Mayne gaet sterck voort.
Wt Ceulen.
Hier was binnen Ceulen 11. Sept. een tijdinghe comen dat den Marquis Spinola den vyant soude teghen ghetrocken zijn, ende door eenighe disordre den vyant onder malcanderen hebbende, souden ouer de Brugghe ghetrocken zijn, verlatende een schansken met vier stucken Gheschuts.
Sijn Exc. Marquis Spinola, alsoo hy zijn devotie hadde ghehouden tot Mayence, ende ghegeten heeft met den Prince aldaer, heeft zijnen Legher doen marcheren, ende dan hier ende daer treckende is ten lesten ghecomen tot Creutzenach, ende dat stedeken verovert met de plaetse Altzeym, in Pfaltz-Graven Landt gheleghen, waer dat veel goede Wijnen ende Victalie ghevonden is, met grooter menichten, het salder nv gaen ghedijen, der Protestanten volck sien slecht henen, Godt verleene den Marquis Spinola voorspoet ende Victorie, tot welvaert vande Heylighe Kercke.
VVt Franckendael.
Den 9. is hier tijdinghe comen dat den Marquis Creutzenach in ghenomen hadde, waer in dat veel graen was, beesten, wijn, ende alderhande prouisie,
