¶ Verſchrickelijcke gheſchiedeniſſen
van vele ende verſcheyde[n] Vandoyſen Too-
uenaers ende Toouenerſſen die ten berſcheyden plaetſen na
henne Bekenteniſſe van henne bedreuen Duyuelrijen / ſoo
tot Ertzſtiff/Trier als elders verbrandt en[de] van leuen-
den lijue doot zijn gheexecuteert metter
Juſticie in dit loopende Jaer
1589.
EEnen yegheliicken is ſonder twijfel ghenoech bekent den ieghenvoordig hen bedruckten en[de] benauden tijt/den volcken wy oock ghenoech ghewaere worden/en[de] ons alleenliicken om onſen ſonden wille ouer compt met alderley gherucht van oproer / twiſt ende tweedracht die onder de menſchen lancx ſoo meer aenſtaende is/ſulcx dat den Vader het kindt en[de] het kindt den Vader en[de] Moeder vervolght en[de] tegenſtrijdet daer deuer eyntelijcken de eeuwighe verderffeniſſe des menſchelijcken gheſlachts veroirſaect wort/ (Ic gelooue) datter ſchier geene duyuels meer inder hellen en zijn/maer datſe deur de ghantſche wijde werelt verſpreyt zijn en[de] de ſelue metten verghifte der Toouerijen ganſſchelijcken beſmetten/ghelijck ich eenſdeels den goetwillighen Leſer by deſen ſal te kennen gheuen.
DAer light int Landt van Swauen eene Stadt/ghenaempt Elwanghen/dewelcke alomme herwaerts en[de] ghenſwaerts dagelijcx lancx hoe meer Jammerlijcke[n] geſlagen ende verdoruen is gheworden /inde Eertvruchten/Boomvruchten/ende Wijnen/verlamminghe van menſche[n]
