ende vee ende met vremde ende onghehoorde crancheden ende ſieckten, waerom men in alder nerſticheyt heeft onderſocht waer by ſulcx toecomen mocht. Emmers byder gratien Gods is int claer lichte gecomen dat daer af oorſake waren de vervloecte toovernarſſen ende vandoyſen. Aldus dan vele vande ſelve toovenarſsſen ghevanghen waren ghenomen, ſoo heeftmen ontboden den rechter van een cleyn ſtedeken, genaemt Biberach, die de ſelve terſtont heeft ghehaeldt en by ſekere conſte die hy wiſte ſoo veele gemaect dat de ſelve wijfs ende waren alle vrywillichlijcken bekenden hoe, wat en waermede ſy ſulcken tooverijen bedreven ende aenrichteden. Ende eerſt ſoo bekenden ſy dat ſy metten duyvel een verbont hadden ghemaeckt, God ende zijnen lieven Sone Jheſum Chriſtum, ende alle ſijne heyligen hadden verloochent ende hem eyntlijcken metten duyvel verſaemt, hier over was een boos oudt wijf, die een ſchoone jonghe dochter hadde, welcke ſy oock inder duyvelſcher tooverije, die ſy voor een conſte achte, aengevoert heeft ende haer den booſen vyant tot eenen wyve gegeven, welcke Sathan inde gedaente van eenen ſchoonen jongelinck der ſelver dochter aenſprack, ende als nu den raedt geſloten was, hebben ſy hen aent danſſen ghemaeckt, tot welcken dans quamen veel duyvels inde gedaente van jonghe gheſellen ende jonghe dochters met eenen hoop oude toovenerſſen die zeldſame ende wonderlijcke vremde luyten hadden, daer ſy op ſpeelden, deen ſpeelde op een peerthooft, dander ſanck op vremde inſtrumenten, een ieghelijck danſte met haeren boele, ende naer dat desen dans gheſcheyden was, zoe verdwenen zy uuten ooghen. Sulcx heeft die oude moeder zelve ghewillichlijcken bekent.
Naer deſe ſoe hebben zy ghelijckelijcken van ſtonden aen in vele potten gheſoden slangen, padden, dootſbeenderen ende vele onbekende cruyden, die sy tot verſcheyden plaetsen hadden begraven, ſoo in huyſen, ſtallen als ſchueren, al waert den lieden niet wel en is vergaen, want de menſſchen, soo jonck als out, ende het vee worden alle ghelijc met groeter smetten ende weedom bevanghen. Deſghelijckx hebben ſy ooc een tooverichſche salve gemaeckt, die den menſchen
