wesen. Nu en isser ter weerelt niet dat soo met de natuere over een comt, als dat een yegelick van zijnen twege aen de selve regel behoort verbonden te zijn, die hy van anderen begheert onderhouden te hebben. Derhalven so en hoeft hy hem gheensins te verwonderen, ofte seltsaem te achten, dat ick op so menigerhande wijse van hem gelastere ende verongelijce, daer toe zijn on derdaen niet zijnde, my behelpe met soodanighe middelen als my van Godt gegeven zijn, ende met de welcke hy selve hem wel heeft willen behelpen teghen zijne Heeren; die hem in geen dinghen ter weerelt hadden overlast ghedaen ofte besehadicht, te gelijcken by het groot onrecht dat ick hebbe van hem moeten verdraghen, ende by dese leelicke schantvlecke daer hy my ende mijn gantsch gheslachte mede soeckt te besmetten. Ende aengemerkt dat mijn Heeren de Staten, den welcken naerder bekent is de waerheyt van 't inhoudt deser mijner Verantwoordinge, hebben de selve voor oprecht ende waerachtich verclaert, my een genoechsaem ghetuyghenis ghevende mijnes voorgaenden levens: soo is dit mijn onderdanich versoeck aen V. Con. Mat. dat de selve insghelijcx, dese mijne antwoorde voor goet aensiende, believe daer beneven te ghelooven, dat ick gheen Schel-
