versoenlicken haet te vallen, ende tot allerhande soorte van wreedtheyt hem selven moetwillichlick te begheven.
Op den selven tijdt, mijne Heeren, hebt ghy hem verwillighet seker bede, die daer wert ghenoemt die Novennale ofte Neghenjarighe bede, doort middel van de welcke oock de cloeckheyt en de wijse aenleydinghe van de Heeren ende Edelen van herwaerts over, mergaders van diversche manlicke ende dappere Duytfche Heeren ende krijchsluyden; zijne saken soo wel ende met sulcker voorspoet zijn beleydet worden, dat hy nae twee slachten door hem ghewonnen, veel steden verovert, ende veel ghevangenen wan grooter qualiteyt ende in grooten ghetale by hem vercreghen, zijnen vyandt eyndelick bedwanck eenen vrede te aenveerden, tot soo groote schade ende nadeele van den Coninck van Vranckrijcke, als hy heerlick ende profitelick was voor den Coninc van Spaegnien: Ende (so ons yet veroorloft ware ons selven te segghen) hadde hy noch een droppel van danckbaerheyt by hem resterende, hy en soude niet connen loochenen dat wy zijn een van de voorneemste instrumenten ende middelen gheweeft, om hem tot soodanighen vrede, daer hy soo groot voordeel by hadde, te doen gheraec-
