handel: Want [1] geſchiedenisſen, als hoe paris helena ontſchaecte, en wat groote ſlagen achilles ſlouch, die en derghelijcke ſtof conden de Mimi te kennen gheven deur grimmatſen ſonder ſpreken, maer niet alſo de Wisconſten, welcke als geſeyt is deur Franſche, Italiaenſche en Spaenſche woorden, ick laet grimmatſen varen, niet en connen uytghebeelt worden, maer ſtellen in die plaets Grieckſche, ghelijck oock doet de arme Latijnſche, deur welck gebreck oock onder de Romeynen geen[2] Wisconstnaers, diemen deur [3] uytnementheyt wisconstnaers noemẽ mach, gevonden en wierden: En de ſelve dieder wat afwisten, mochten de ghene ſijn die tot letteroeffening van hun ouders na Athenen in Grieckelant gheſonden waren. Het Griecx dan ſulcx weſende dattet de wisconſten leeren can, is voor een goe tael te houden. Maer waer in beſtaet deſe goetheyt, wat verſchil heeftſe van d’ander, deur ’t welck ſy vermach dat d’ander niet en connen? Voornaemelick de t’ſaemvouging, daerſe rijck af is, want daer me goe [4] constwoorden ghemaeckt
D
