5
Rhijn 40. oft 50. peerden, van den vyant, ende niet teghenstaende datse voor by passeerden spraecken niet een quaet woordt, soo datmen hun alsdoen noch gheene vyanden en conde heeten.
Den eersten September heeft zijne Ex. Marquis Spinola eene Brugge begost te doen maecken ouer den Rhijn, alwaer de reste vanden Legher sal ouertrecken, de brugghe was ghemaeckt recht teghen ouer de stadt van Mentz, ende was lanck vier hondert ende 64. stappen, elcken stappe reeckentmen ij. voedt, voorts isser den heelen Legher ouer ghegaen daer brack een stuck van de Brugghe, ende daer verdronck een Soldaet, ende wy sijn ghelogheert gheweest een half mijle ouer Mentz.
Voorts het Gheschudt ende waghens, sijn ouer ghesedt met groote schepen, dese Brugge is gemaect ter plaetsen alwaer ouer 800 Jaeren eenen andere geweest is. Nv maecken wy noch eenen anderen Legher by den eersten ontrent Gonsenstein, ende den anderen is ghelijck bouen ghemelt is ontrendt S. Peeter buyten de mueren by het Cheur-Vorstelijcke Casteel.
Den Leger vande Protestanten zijn by Oppenhem twee mijlen van Mentz, alwaer sy oock eene Brugghe ouer den Rhijn gemaeckt hebben, ende ouer drye daghen hebbense 3000. van hunne peerden ende
